Ushbu magistrlik dissertatsiyasi ishida Namangan viloyati qishloq xo’jaligi uchun harakterli bo’lgan paxta, bug’doy, meva va sabzavot ekinlarining ko’p yillik (2000-2015 yillar) hosildorlik ko’rsatkichlari bilan ushbu yillar davomida viloyatda kuzatilgan agroiqlimiy resurslar o’rtasida qay darajada bog’liqlik (aloqadorlik darajasi) borligi matematik metodlardan foydalanib hisoblashlar orqali ko’rib chiqilgan. Ushbu maqsadga erishish davomida bir qator izlanishlar olib borildi. Jumladan qishloq xo’jaligi ishlab chiqarishining tarmoq tuzilishi, har bir tarmoq tarkibiga kiruvchi qishloq xo’jaligi ekinlarini iqlimiy resurslarga bo’lgan ehtiyoji, qishloq xo’jaligi ishlab chiqarishining hududiy tashkil etish omillari, xususan qishloq xo’jaligi mahsulotlarini yetishtirish uchun mintaqalarning tabiiy, iqlimiy, iqtisodiy va sotsial omillari asosida joylashtirilishi va qishloq xo’jaligini geografik o’rganishning tadqiqot usullari ko’rib chiqilgan.
Bundan tashqari hududlarda shakllangan agroiqlimiy sharoit asosida agroiqlimiy rayonlashtirish masalalari, meteorologik omillarni qishloq xo’jaligigi ekinlarini o’sishi varivojlanishidagi ahamiyati, noqulay agroiqlimiy sharoitning qishloq xo’jaligi ishlab chiqarishiga ta’siri va uning salbiy oqibatlari hamda unga qarshi kurashish chora tadbirlari ham atroflicha tadqiq etilgan.