Тадқиқотнинг объекти сифатида цилиндрик деталларга пардозловчи-мустаҳкамловчи ишлов бериш, машинасозлик ишлаб чиқаришида майда донали маҳсулотларни ташиш ва йиғишда автоматлаштириш жараёнлари олинган.
Тадқиқотнинг предмети аэродинамик ҳаракатдаги оқимидан фойдаланган ҳолда цилиндрсимон деталларга пардозловчи-мустаҳкамловчи ишлов бериш, текис юзали деталларни юклаш, майда донадор деталларни транспортировка жараёнларни автоматлаштириш тизимларини ташкил этади.
Тадқиқотнинг усуллари. Тадқиқот жараёнида унумдорлик назарияси, газ динамикаси, уюрмали оқим аэродинамикаси, технологик тизимларни бошқариш усуллари, адаптив бошқарув тизимлари, математик моделлаштириш, автоматик моделлаштириш назарияси ва оптималлаштиришни замонавий усуллари қўлланилган.
Тадқиқотнинг мақсади ишлаб чиқариш самарадорлигини оширишда аэродинамик ҳаракатдаги автоматлаштирилган технологик жиҳозларни лойиҳалаш ва яратишнинг илмий-назарий асосларини ривожлантиришдан иборат.