Avtomatlashtirilgan ishlab chiqarishning texnologik asoslari

Avtomatlashtirilgan mashinasozlik ishlab chiqarishi mahsulotni hajm, konstruksiya, ekspluatatsion rejim, parametrlar jihatidan yangilanib turishini ta’minlash bilan tavsiflanadi. Uning sifatiga mashina modеllari va asboblarni tez-tez almashinib turishi, ular konstruktsiyasining takomillashtirilishi ta’sir ko’rsatadi va yo’naltirilgan ilmiy - texnik rivojlanish axborot texnologiyalari, robototexnika natijalari tinmay yangi texnik yechimlarni vujudga keltirishi ishlab chiqarishning texnik darajasi va madaniyatini oshirib boradi. Demak, o’zgaruvchan, qayta moslanuvchan ishlab chiqarishni optimal texnik darajada tashkil qilish, o’zgaruvchan texnologik jihozlarni, ishlab chiqarish robotlarini kichik seriyali va ko’plab ishlab chiqarish ko’rinishlariga ekonomik jihatdan asoslangan holda joriy etish dolzarb masalalardan bo’lib hisoblanadi. Bir vaqtda o’nlab dasturiy harakatlar ostida mahsulotni raqobatbardoshlik, sifat darajasida shakllantirishni qo’l mehnati bilan bajarish mumkin emas. Bu jarayonda eng asosiy muhit - mahsulotni ishlab chiqarishda raqobatbardoshlikni, sifatni, maksimal iqtisodiy samaradorlikni, minimal mehnat va moliyaviy vositalarning sarflanishini ta’minlash katta ahamiyatga ega.