Mamlakatimiz ta’lim tizimining turli bosqichlarida ta’lim va tarbiya
jarayonini davr talablari asosida, ijtimoiy-iqtisodiy islohotlarga mos ravishda
uzluksizlik va uzviylik tamoyillariga rioya qilgan holda yangi pedagogik
texnologiya darajasida, shuningdek, axborot texnologiyalaridan foydalanib tashkil
etishning mazmuni, shakllari, metod va usullarini izlash, ishlab chiqish, milliy
pedagogika fanining talablari asosida til va adabiyot ta’limida ro`y bergan
o`zgarishlarni amaliyotga tatbiq etish yosh avlodni komil inson qilib
tarbiyalashning muhim omillaridan hisoblanadi. Ta’lim qoraqalpoq tilida olib
boriladigan guruhlardagi o`zbek tili darslarida adabiy materiallarni o`rganishni ana
shu yo`sinda yo`lga qo`yish talab etiladi.