Salomlashish insonlar orasida muloqot madaniyatining eng zarur qismlaridan biri
hisoblanadi. Chunki, suhbatdoshingiz sizning qay tarzda munosabatga
kirishishingizga qarab, ya’ni salomlashish jarayoniga qay darajada e’tiborli
ekanligingizga qarab siz haqingizdagi dastlabki tasavvurlarni oladi. Shu sababli
mazkur maqolamizda salomlashish odobiga doir ba’zi ma’lumotlarni qayd etib
o’tishga harakat qildik.
Salomlashishda bir necha ko’rinishlar mavjud bo’lib, ular orqali kishilarning
madaniyat darajasi aniqlanadi. Bugungi kunda salomlashishning turli ko’rinishlari
mavjud bo’lib, shulardan eng ommalashgani bosh irg’ab salom berish va qo’l berib
ko’rishishdir.