5-sinf darslik-majmualari o`quvchi darsligi, o`qituvchi metodik qo`llanmasi va multimedia ilovasidan iborat bo`lib, mashq daftari darslikning ichiga singdirilgan. Darslik-majmualarga davlat ta’lim standarti va o`quv dasturi asosida 102 soatlik mavzular va ularga oid mashq va topshiriqlar kiritilgan. 5–9-sinflarda har bir sinfda 150 tadan aktiv, 100 tadan passiv leksik birliklarni o`zlashtirish belgilangan. Shuni inobatga olgan holda, darslikni takomillashtirish davomida 1–4-sinflarda egallangan bilim va ko`nikmalarni chuqurroq o`rgatish, mavzularni kengroq tushuntirish, mashq va topshiriqlar orqali o`zlashtirilgan bilim, ko`nikmalarni takrorlash orqali mustahkamlash, avvalgi sinflarda berilgan leksik birliklarning soni va osonlik darajasini hisobga olgan holda murakkablikka bosqichma-bosqich o`tilishiga e’tibor qaratilgan.