Vazirlar Mahkamasining “Umumiy o`rta va o`rta maxsus, kasb-hunar ta’limining davlat ta’lim standartlarini tasdiqlash to`g`risida”gi 187-sonli qaroriga ko`ra, fizika fanidan umumiy o`rta ta’limning 6—9-sinflari uchun o`quv dasturlari ishlab chiqildi va amaliyotga bosqichma-bosqich joriy etiladi.
Fizika fani eksperimental fan bo`lganligi bois, nazariy bilimlar amaliyotda sinab ko`riladi. Shu sababli, umumiy o`rta ta’lim tizimida fizika fanini o`qitish, tajribalar ko`rsatish, laboratoriya mashg`ulotlarini o`tkazish bilan chambarchas bog`liq.