An’anaviy avgust kengashlarining sho`ba va yalpi yig`ilishlarini tashkil etish hamda o`tkazish bo`yicha tavsiyalar Ona tili

An’anaviy avgust kengashlarining ona tili fani bo`yicha sho`ba yig`ilishlarida Vazirlar Mahkamasining 2017-yil 6-apreldagi “Umumiy o`rta va o`rta maxsus, kasb-hunar ta’limining davlat ta’lim standartlarini tasdiqlash to`g`risida”gi 187-sonli qarori mazmun-mohiyatini tushuntirish, kompetensiyaviy yonda¬shuvga asoslangan davlat ta’lim standartlari va o`quv dasturlarini amaliyotga samarali joriy etish yuzasidan zarur tavsiyalar berish muhim. Shuningdek, Ilg`or tajribalarni namoyish etish va omma¬lashtirish, bilimlar bellashuvi hamda fan olimpiadasi natijalari tahlili yuzasidan fikr-mulohazalar umumlashtirilib, tavsiyalar ishlab chiqilishi, kelgusidagi rejalar belgilab olinishi kerak. Umumiy o`rta ta’lim muassasalarida o`quv, ilmiy-metodik, ma’naviy-axloqiy tarbiya faoliyatida samarali natijalarga erishayotgan, kasbiy mahorati yuqori bo`lgan o`qituvchilarning ish tajribalarini aniqlash, o`rganish, ommalashtirish maqsadida tashkil etilgan “Mahorat maktablari”da o`quv yili davomida amalga oshirilgan ishlar, ilg`or tajribalarning o`rganilishi sho`ba ishlari samaradorligini oshiradi.