Ofset bosish usuliga asoslangan bosmaxonalarda asosan varaqli chop etish mashinalar ishlatishadi. Bunday mashinalar keng miqyosda har xil nashr mahsulotlarini chiqimsiz, iqtisod qilib chop etishga qulaydir. Rulonli ofset mashinalar esa ro`znoma va kitob nashri uchun mo`ljallangan, texnik vositalari yanada takomillashtirilgandir. Albatta, bu mashinalar qimmat turadi. SHuning uchun ham ulkan miqyosdagi ofset bosma usuliga mo`ljallangan bosmaxonalardagina bunday mashinalar xizmatidan foydalaniladi. Varaqli chop etish mashinalari esa eng kichik tashrifnomadan tortib muhtasham – albom, katalog, bezakdor kitoblargacha qisqasi iste’molchilarni barcha talablarini qondiradi, nashr mahsulotlarini istagancha chop etishni do`ndiradi.