Boshqaruv psixologiyasi ijtimoiy psixologiyaning tarkibiy qismi bo`lib, rahbarning boshqaruv sohasida yuzaga keladigan muammolarni hal qilish, umuman jamoa va shaxsni boshqarish metodikasini o`rganadi. Ushbu muammo boshqaruv psixologiyasi predmeti nuqtai nazaridan turli fanlarda, masalan, falsafa, psixologiya, pedagogika, sotsiologiya va boshqa fanlarda o`rganadi. Boshqaruvning umumiy nazariyasini kibernetika fani o`rganadi. Boshqaruv psixologiyasi o`ziga xos predmetga ega bo`lib, uni mansabdor shaxsning faoliyati tashkil etadi. Aynan mana shu jihat boshqaruv psixologiyasini ijtimoiy psixologiyadan ajratib turadi. Fanning ob’yekti esa rahbar shaxsidir. Rahbar va xodimlar o`rtasidagi o`zaro munosabatni ijtimoiy jihatdan falsafada o`rganildi. Pedagogika boshqarishda pedagogikaning prinsiplariga rioya qilish, bilish jarayonining xususiyatlarini hisobga olishni o`rgatadi.