O`zbekistonda bozor iqtisodiyotining shakllanishi jahon bozorlarida xizmatlar sohasidagi keskin o`zgarishlar davriga to`g`ri keldi. Jahonda servis iqtisodiyotning ahamiyatli tarmoqlaridan biriga aylandi. Xizmatlar sohasi industriyasi millionga yaqin ishchi va xizmatchilarni ish joylari bilan ta’minlab, ular kasb mahoratining o`sishiga imkoniyatlar yaratib bermoqda. Shuni aytib o`tish kerak-ki, bu sohada ish bilan ta’minlanish boshqa sohalarga qaraganda ikki barobar tez o`smoqda. Bu boshqarilishi lozim bo`lgan inson faoliyatining maxsus shaklidir. Xizmatlar sohasi industriyasida menejmentning rivojlanishiga ijtimoiy-iqtisodiy, texnik va texnologik omillar ta’sir qiladi. Masalan, iqtisodiyot beradigan daromadlarsiz servisning ommaviyligiga erishib bo`lmaydi, demak boshqarilish vositasi ham mavjud bo`lmaydi.