Ижтимоий ҳаѐтдаги гўзаллик ва хунуклик, улуғворлик ва тубанлик, фожиавийлик ва кулгилилик каби ҳодисалар истеъдодли ижодкорлар асарларида акс эттирилиб, дунѐ халқлари бадиий маданиятига ижобий таъсир этиб келмоқда. Айни пайтда жаҳоннинг аксарият мамлакатларида инсоният бирдамлигини таъминлаш, шахс қадрини мустаҳкамлаш, тинчликни барқарорлаштириш, терроризм ва диний экстремизмни бартараф этиш каби глобал муаммолар ечимини топишда санъатнинг роли бирмунча пасайган. Мазкур ҳолат дунѐ ҳамжамияти ҳамкорлигини фаоллаштириш ва бадиий маданият имкониятларидан самарали фойдаланишга бўлган эҳтиѐжни орттирмоқда.