Қишнинг биринчи ярмида асаларилар ўзларини тинч тутадилар. Қишлаш мавсумининг иккинчи ярмида
асалариларнинг орқа ичакларида тўпланган ахлат кўпайиб бориши ҳамда мумкатак ромларда личинкалар пайдо
бўлиши билан асаларилар безовталана бошлайди. Бундай пайтда асаларичи ҳар ойда 3-4 маротаба оилаларни
куздан кечиради. Баҳор яқинлашиб, ердаги қорлар эрий бошлаши билан хафтасига икки маротаба, феврал
ойининг охири ва март ойининг бошида ҳар куни кўздан кечирилади. Бунда асалариларнинг озиғи
текширилади, кучсиз асалари оилаларига қўшимча иссиқ тутадиган ёстиқчалар қўйилади, уя тешикчалари
кичрайтилади, она ариси йўқ оилалар она ариси бор оилаларга қўшиб юборилади. Арихонадаги камчилик ва
баҳорда дастлаб бажариладиган ишлар арихона журналига ёзиб борилади.