Avtotransportni ro`yxatdan o`tkazishni tartibga solis maqsadida bir qator ishlar amalga oshirilgan. Jumladan O`zbekiston Respublikasi Vazirlar Mahkamasining 1997 yil 26 may 256-raqami bilan tasdiqlangan «Avtomototransport vositalarini ro`yxatdan o`tkazish, qayta ro`yxatdan o`tkazish va ularning hisobini olib borish, milliy davlat raqam belgilarini berish va ularni almashtirish ishlarini tartibga solish haqida»gi qarori e`lon qilingan. Ushbu qarorda «Transport vositalarini ro`yxatga olish tartibi» belgilab berilgan. Unga asosan: Avtotransport vositalari 18 yoshga to`lgan, mototransport vositalari esa 16 yoshga to`lgan shaxslar nomiga ro`yxatdan o`tkaziladi (lotoreya va shunga o`xshash boshqa ommaviy o`yinlarda yutuqqa chiqqan, vasiyatnoma va qonun bilan belgilangan tartibda meros asosida o`tgan avtomototransport vositalari bundan mustasno).