Axborot-kommunikatsiya texnologiyalari-ning joriy etilishi islohotlar samaradorligini oshirib, aholi manfaatlarini ta`minlashga xizmat qilmoqda, yangidan-yangi imkoniyatlar yaratmoqda. “Elektron hukumat” tushunchasi kundalik turmushimizdan chuqur o`rin egallamoqda. Elektron hukumat tizimi orqali axborot-kommunikatsiya texnologiyalarini qo’llagan holda amalga oshirilayotgan davlat xizmatlari jamiyatning barcha jabhasini qamrab olmoqda.
O`zbekiston Respublikasini rivojlantirish bo`yicha Harakatlar strategiyasida nazarda tutilganidek, tizimli asosda yuridik va jismoniy shaxslarning murojaatlari bilan ishlash bo`yicha Virtual qabulxona faoliyati, shuningdek hududlardagi Xalq qabulxonalarining faoliyati yo`lga qo`yilishi jamiyatimizda "Inson manfaatlari - barcha narsadan ustun" degan ezgu g`oyaning amalga oshishiga xizmat qilmoqda.