Картошка йиғиштириш машиналарининг энергетик кўрсаткичлари уларнинг қазиш қисмининг параметрларига боғлиқ бўлади [ 1,2]. Қазиш лемехларининг эни В, узунлиги . Горизонтга α, ва лемехнинг кесиш лезвиясининг очилиш бурчаги γ ва агрегатнинг ҳаракатланиш тезлигига боғлиқ бўлади. Қазиш лемехларининг қамраш эни В ва узунлиги картошка тугунаклари уясининг параметрларига боғлиқ бўлади. Қазиш лемехларининг қамраш эни картошка тугунаклари уясининг ўлчамларига кўра аниқланади. Кам энергия талаб этадиган қазиш лемехлари секцияли бўлиб, ушбу ишда ҳар бир лемехларнинг қамраш эни 115 мм бўлиб, улар орасидаги оралиқ 20 мм атрофида қабул қилинди. Демак икки қаторли машинанинг умумий қазиш кенглиги 1,0 м атрофида бўлганлиги боис тупроқ массасининг элакланиш жараёни лемехларнинг ўзидаёқ бошланади. Секцияли лемехлар орасидан ўсимлик поясини осон ўтиши ва тупроқ массаси элакланиши натижасида элаклаш ишчи органига кам тупроқ узатилади ва шу тариқа секцияли лемехларнинг тортиш қаршилик кучи камаяди.