Чакандадан олинадиган доривор хом ашёга бўлган талабни қондириш учун, уни саноат асосида плантацияларда етиштиришни талаб қилади. В. А. Колесникова Пантелееваларнинг маълумотига кўра чаканда плантациларидан кўпинча 10-12 йил фойдаланиш мумкин, яхши парвариш килинса 20 йилгача юқори ҳосил беради. Шунинг учун плантация учун жой танлаш муҳим аҳамият касб этади. Плантация учун жой танлашда табиий иқлим, хужалик ва иқтисодий омилларни ҳисобга олиш лозим. Чаканданинг ўсиши ва ривожланишига ернинг рельефи, тупроғи, сув режими таъсир кўрсатади. Дала текис қиялиги 50 атрофида бўлиши суғориш қулай ва сувни тежашда ёрдам беради.