Табиий иқлим ва тупроқ шароитларига кўра Ўзбекистон азалдан ер шарида деҳкончилик учун энг кулай минтакалардан бири бўлиб келган. Республикамиз асосан пахта етиштириб берувчи минтақа ҳисобланади. Мустақилликдан сўнг қишлоқ хўжалигида ишлаб чиқариш тизими ўзгариб, пахта якка ҳокимлигига барҳам берилди. Дон мустақиллигига эришиш асослари яратилди. Серҳосил, тезпишар, интенсив буғдой навлари уруғлари чет мамлакатлардан келтирилиб, экин майдони суғориладиган 1.310 минг гектарга, лалмикор майдонлар билан эса жами дон экинлари майдони 1,5 миллион гектарга етди.