Ушбу ишда акрил нитрил полимери асосида чарм юзаси учун қопламали бўяш технологияси кўриб чиқилган. Тадқиқ этилган пардозловчи қоплама бўёқларнинг таркибига пигмент концентрати, коллаген, акрил альдегиди ҳамда акрил нитрил тавсия этилди ва тавсия этилаётган таркиб асосида табиий чармларнинг компакт технология асосида пардозлаш яъни, бўёвчи қопламалар бир мунча тежамкор ва шу билан бир қаторда табиий чармларнинг хоссаларини оширишга олиб келиши ўрганилган. Бўёқли парда ҳосил қилувчилар асосида оптимал технология билан пардозланган чармлар юза сирт қисмининг адгезион хоссалари яхшиланиши билан бирга чўзилишдаги мустаҳкамлик чегараси, нам ҳолатдаги қопламанинг барқарорлиги ва кўп марта эгилиб букилишга қопламанинг барқарорлиги ошганлиги аниқланган.