Ушбу мақолада пойабзал устки қисми учун чармларни ошлаш жараёнида фурфуролни қўллаш услуби ўрганилган. Бунда оқ чармларни ишлаб чиқаришда хом ашё массасига нисбатан 3% миқдорда фурфурол билан ишлов берилган. Натижада ошлаш жараёнининг тезлигига, сезиларли даражада ошловчи эритманинг рН қиймати таъсир кўрсатиб, айниқса, рН қийматининг ошиши билан ошлаш жараёни тезлашган. Концентрациянинг ошиши, ошлашнинг рН қиймати 6 ва 8 бўлганда сезиларли таъсир кўрсатган ва рН = 10 бўлганда эса деярли таъсир кўрсатмагани аниқланган.