FUQAROLIK JAMIYATINI RIVOJLANTIRISHDA OMMAVIY AXBOROT VOSITALARINING ROLI

Bugun oldimizda mamlakatimiz OAVni jahon matbuotining eng ilg’or va zamonaviy andozalari darajasiga chiqarish, ta’bir joiz bo’lsa, milliy o’ziga xos shakl va mazmunini qaror toptirishdek muhim vazifa turibdi. SHu maqsadda, mustaqillik yillarida mamlakatimizda OAVning faoliyatini tartibga solishga qaratilgan va xalqaro huquq normalari hamda demokratik talablarga javob beradigan qonunchilik tizimi yaratilgan. Binobarin, davlatimiz tomonidan ushbu sohada olib borilayotgan siyosat O’zbekiston Respublikasi Konstitutsiyasida belgilangan so’z erkinligi va fuqarolarning axborot olish huquqi printsiplarining izchil va to’liq bajarilishini ta’minlashga qaratilgandir. SHakllanib kelayotgan hozirgi axborot jamiyatida OAVga faqatgina axborot olishning oddiy vositasi sifatida qaralmaydi. Bunday sharoitda mazkur institut nafaqat ommaviy ongga ta’sir etish imkoniyatiga ega, balki jamiyatda yurish – turish va xulq atvor qoidalarini shakllantirishning muhim vositasi sifatida ham maydonga chiqadi. Binobarin, OAVning faoliyati jamiyatning barcha qatlamlariga qaratilgan bo’lishi hamda ularning manfaatlarini ko’zlab, umuminsoniy printsiplar asosida, erkinlik va vatanparvarlik ruhida tarbiyalashga yo’naltirilmog’i lozim Ushbu bitiruv malakaviy ishini yozishda O’zbekiston Respublikasi Prezidenti asarlaridan, O’zbekiston Respublikasi Konstitutsiyasidan bundan tashqari ko’plab adabiyotlardan o’rinli foydalanilgan.