Kimyoni o`rgatuvchi va o`quvchilar bilimini nazorat qilivchi dasturlar

Mustaqillik yillarida jamiyatimiz hayotining barcha sohalarida bo`lgani kabi ta’lim tizimida ham bir qator islohotlar amalga oshirilmoqda. «Kadrlar tayyorlash Milliy dasturi» va «Ta’lim to`g`risida»gi qonunda O`zbekiston Respublikasida ta’lim-tarbiya tizimini zamonaviy talablar darajasiga ko`tarish va ta’limning uzluksizligini ta’minlashning asosiy maqsadlari va shart-sharoitlari belgilab berildi. O`zbekiston Respublikasi birinchi Prezidenti I.A.Karimov ta’kidlab o`tganidek, «Ta’limning yangi modeli jamiyatda mustaqil fikrlovchi erkin shaxsning shakllanishiga olib keladi. Biz o`zining qadr-qimmatini anglaydigan, irodasi baquvvat, iymoni butun, hayotda aniq maqsadga ega bo`lgan insonlarni tarbiyalash imkoniga ega bo`lamiz».