Insonning ma’naviy ahloqiy kamoloti ko`p qirrali va mazmun jihatidan chuqur bo`lib, o`z ichiga turli sohalarni qamrab oladi. SHular ichida ta’lim va tarbiyaning alohida o`rni bor. Ma’lumki, ta’lim jamiyat taraqqiyotining asosidir.
Bugungi kunda jamiyatimiz oldida turgan eng dolzarb vazifalardan biri yangicha tafakkur, ijodiy fikrlash, intellektual salohiyatga ega bo`lgan barkamol avlodni tarbiyalashdir. Ta’lim jarayonida yoshlarni o`qish va o`qitishga bo`lgan qiziqishlarini shakllantirishda ta’lim texnologiyalaridan bo`lgan o`yin usullaridan foydalanish muhim ahamiyatga egadir