FARG`ONA VODIYSI LANDSHAFTLARINING TADQIQ ETISHNING ILMIY-AMALIY AXAMIYATI

Landshaftlar haqida ta’limotning vujudga kelishida tabiatshunos va geograf olimlarning izlanishlari muhim ahamiyat kasb etadi. Geografik zonallik qonuniyatini birinchi bor ilmiy asoslab bergan rus tuproqshunos olimi V.V.Dokuchaevning ilmiy tadqiqotlari “yangi geografiya”ga, ya’ni landshaftshunoslik faniga asos solinishiga olib keldi. Uning fikricha tabiiy komponentlar alohida-alohida holda emas, balki bir butun tabiiy hududiy majmua sifatida o’rganilishi kerak. V.V.Dokuchaevning tabiatning barcha jonli va jonsiz komponentlar orasidagi o’zaro nisbatlar va aloqadorliklarni hamda ularni birgalikda rivojlantirish qonunlarini tabiatshunoslik fanlari ichida o’ziga xos, yangi bir fan o’rganishi kerak degan xulosaga kelgan. Ammo V.V.Dokuchaev o’z fikrlari bilan tabiiy komponentlar haqidagi "Yangi geografiya"ni, landshaftlar geografiyasini yuzaga kelishiga sababchi bo’ldi. V.V.Dokuchaev g’oyalarini uning ko’pgina shogirdlari va hamfikrlari fanning turli yo’nalishlarida targ’ib qilib, rivojlantirib bordilar.