Углеводород занжирида углерод атомлари ўзаро оддий боғдан ташқари қўш ёки уч боғ орқали боғланган бўлса, улар тўйинмаган углеводородлар дейилади. Тўйинмаган углеводородлар молекуласи таркибида углерод атомларининг сони тегишли тўйинган углеводород билан тенг бўлса ҳам водород атомларининг сони қўшбоғ ва учбоғ ҳисобига икки ёки тўрт водород атомига кам бўлади. Масалан:
СН3-СН3 СН2=СН2 СН СН
этан этилен ацетилен
Молекуласида бир қўшбоғ бўлган углеводородларнинг дастлабки вакили СН2=СН2 этилен бўлгани учун, уларнинг ҳаммасини яна этилен қатори углеводородлари деб ҳам аталади. Қўшбоғ ҳосил бўлиши учун ҳар қайси углерод атоми ўзининг иккитадан валент электронларини ковалент боғ ҳосил қилиш учун сарфлайди. Яъни
С::С ёки С=С
Иккала боғнинг энергетик қиймати бир хил эмас. Одатдаги С-С -боғ энергияси Е=350 кЖ/мол, -боғ С=С энергияси Е=610 кЖ/мол, яъни икки оддий боғ энергиясидан 90 кЖ/мол кам. Этилен углеводородларнинг гамологик қаторида ҳам унинг қўшни аъзоларидаги фарқ -СН2- га тенг.
С2Н4-этилен С3Н6-пропилен С4Н8-бутилен
С5Н10-амилен ва ҳоказо.
Умумий формуласи СnH2n