FrontPage” web-muharriri bo’yicha o’rgatuvchi dastur yaratish

Respublikamizda ta`lim berishning elektron vositalaridan foydalanish keng miqiyosda yo’lga qo’yilmoqda. O’zbekiston Respublikasining “Ta`lim to’g’risida”gi Qonuni, “Kadrlar tayyorlash milliy dasturi” va O’zbekiston Respublikasi Vazirlar Mahkamasining 2004 yil 20 iyuldagi 341-son “O’zbekiston Respublikasi Oliy va o’rta maxsus ta`lim vazirligi faoliyatini takomillashtirish to’g’risida”gi qarori ijrosini ta`minlash maqsadida ishlab chiqilgan me`yoriy hujjat oliy va o’rta maxsus, kasb-hunar ta`limining Davlat ta`lim standartlari talablari asosida milliy g’oyani yoshlar ongiga singdirishga, barkamol avlodni tarbiyalashga, zamonaviy pedagogik va axborot-kompyuter texnologiyalari hamda ilm-fan yutuqlarini keng jamoatchilikka tatbiq etilishiga xizmat qiladigan yangi avlod o’quv adabiyotlarini yaratish uchun asosiy talablarni o’zida mujassamlashtiradi. O’zbekiston Respublikasi Prezidentining 2010 yil 28 sentyabrdagi PF-3501- son Farmoni, Vazirlar Mahkamasining 2011 yil 21 fevraldagi 12-son bayoniga asosan “Elektron ta`lim” Milliy tarmog’ini tarkib toptirish loyihasi doirasida Oliy va o’rta maxsus ta`lim vazirligi tizimida “Elektron ta`lim” tarmog’i shakllantirildi. Ushbu tarmoq kontentini boyitishda elektron ta`lim resurslari qamrovini kengaytirish muhim axamiyat kasb etadi.