IVA rusumli impulsli variator linterning ish kamerasiga beriladigan chigit miqdorini chigit valigini zichligiga qarab avtomatik ravishda rostlab turadi. Bu variator (2-rasmda) linterning ish kamerasidagi zichlik klapaniga va yuqorigi chigit beruvchi barabaniga zanjir 5 yordamida ta’sir etib, barabanning aylanish tezligini o’zgartiradi. Variator moy to’ldirilgan korpus 1 (2-rasmga qarang), xrapovikli mufta 2, chegaralovchi kulachok 3, uchta surilma pishang 4, ekssentrikli val 5 ga o’rnatilgan yuritish shkivi 6 dan iborat. O’zdirish muftasi 7, ta’minlash barabanining vali 8 ga o’rnatilgan. Muftaning tekis sirti bilan halqa 9 orasiga beshta rolik 10 o’rnatilib, bular prujina 11 lar bilan qisilib turadi.