Mamlakatimiz yengil sanoati keng iste’molchilar ommasi extiyoji va didini qondiradigan xilma-xil kiyimlar ishlab chiqarmoqda. Ommaviy ishlab chiqarish bilan bir qatorda mahalliy sanoat korxonalari ham, yakka buyurtma tikish korxonalari ham aholining kiyimga bo’lgan ehtiyojini qondirishga xizmat qiladi. Shuning uchun oliy o’quv yurtlarida, kasb-hunar kollejlarida bu soha kadrlarini yetishtirish bilan birga maktablarda, maktabdan tashqari muassasalarda o’quvchilarni kasbga yo’naltirish, tikuvchilik korxonalarida xizmat qilishga tayyorlash ishlarining ham katta ahamiyati bor.