Yuqori molekulyar birikmalar kimyosining dolzarb muammolaridan biri bu polimerlarni barqarorlashtirish jarayoni bo’lib, u asosiy monomerlarga tarkibida barqarorlashtiruvchi guruhlar saqlovchi boshqa bir monomerdan kichik miqdorini qo’shib, sopolimerlash orqali oshiriladi. Akrilamid bilan stirolning sopolimerlanish natijasida qator fizik – kimyoviy xossalarga ega bo’lgan yangi polimer moddalarini olish mumkin. Sopolimerlanish jarayoni erkin radikal mexanizm bo’yicha organik erituvchi muhitda (benzol, dioksan, DMFA, DMSO, TGF) o’rganildi.