Ем-хашак етиштиришдаги долзарб муаммоларни ҳал этиш учун озуқа тайёрлаш, сақлаш, қайта ишлаш ва фойдаланишда такомиллашган технологияларни ишлаб чиқаришга жорий этиш муҳим аҳамият касб этади. Чорвачилик учун асосий озуқа манбалари дала ва табиий ўтлоқлардаги озуқабоп ўсимликлардир. Шунингдек, озуқа сифатида далачилик қолдиқлари (сомон, похол, овқатбоп дон ва техника экинларини қайта ишлаш чиқиндилари)дан фойдаланилади. Озуқа балансида микробиологик ва кимё саноатлари маҳсулотлари маълум ўрин тутади. Булар озуқабоп хамиртуруш, аминокиалоталар, витаминлар, ферментлар ва бошқа биологик фаол моддалардир, бу моддалар табиий озуқалар тўйимлилигини ошириш мақсадида ҳайвонлар рационларига қўшиб берилади. Ўсимликлардан тайёрланган озуқалар умумий озуқа балансининг асосий қисмини ташкил этади, яъни уларга озуқа бирлигининг 95 фоизи тўғри келади. Шунинг учун чорвачилик озуқа базасини мустахкамлашда далаларда ва яйловларда ем хашак етиштириш мухим хал қилувчи аҳамиятга эга.