O`rmon daraxtlari chizimining ekinlar hosildorligini oshirishga bo`lgan ta’siri, uning himoyalaydigan yerda mikroiqlim sharoitini yaxshilash, shamolning tezligini pasaytirish, ekinlarni qurg`oqchilik va “garmsel” dan saqlashi, tuproq yuzasida bug`lanish va ekinlar bargi orqali transpiratsiya jarayonini pasaytirishi bilan aniqlanadi.O`rmon daraxtlari chizimi yuzada suv oqimini to`sadi, shamol va suv eroziyasini pasaytiradi, ekinlarni chang bo`rondan saqlaydi. Bularning hammasi natijada ekinlardan muntazam kerakli hosil olishni ta’minlaydi. Mavjud ma’lumotlarga ko`ra (A.M.Karatun) daraxtlar o`tqazuvi bilan himoyalangan yerlarda paxtaning hosildorligi himoyalanmagan yerlarga nisbatan 10 – 30 % yuqori.