Мазкур ўқув қўлланма, аввало талабаларга ижтимоий йўналтирилган бозор иқтисодиётига асосланган ҳуқуқий давлат ва фуқаролик жамияти барпо этишга оид масалаларни назарий жиҳатдан ўрганишга ёрдам беришни назарда тутади. Шунингдек, қўлланмада адолатли жамият тўғрисидаги илк қарашларнинг пайдо бўлиши, ривожланиш босқичлари, халқимизнинг ўз мустақиллигини қўлга киритиш йўлидаги машаққатлари аниқ фактлар асосида баён этилган. Ўзбекистонда демократик жамият барпо этишнинг ўзига хос йўли Президент Ислом Каримов асарлари асосида таҳлил қилинган ва ёритиб берилган.