Ўзбекистон Республикаси Президети Қуролли Кучлар Олий Бош Қўмондони И.А.Каримов “Ўзбекистон ХХI аср бўсағасида – хавфсизликга таҳдид, барқарорлик шартлари ва тараққиёт кафолатлари” китобида таъкидлаб ўтганидек, миллий хавфсизлик мамлакатнинг суверенитети ва худудий яхлитлигини таъминлашга ҳозирги босқичда биринчи галда ташқи кучлар кўпроқ тахдид солмоқда. Ватанимиз жанубий чегаралари яқинидаги қуролли можароларнинг ўчоқлари ҳарбий хавфнинг потенциал манбаларидир. Бу вазият давлатимизнинг мудофаа кобилиятини, яъни рўй бериши мумкин бўлган тажовузга тайёргарлик даражасини фақат бизнинг мамлакатимиз учун эмас, балки бутун минтақа учун ҳам миллий хавфсизликни ва барқарорликни таъминлашнинг энг муҳим шарти даражасига кўтармоқда. Давлат мудофаа қобилиятининг энг муҳим қисми унинг Қуролли Кучларидир. Уларнинг жанговар қудрати ҳамда босқинчилик, қуролли можаролар ва уруш бошлаб юборишдан тийиб туриш вазифаларини бажаришга тайёргарлик даражасидан ҳамда мамлакат ҳудудига босқинчилик қилинган тақдирда оддий қурол - яроғнинг ҳар - хил турларидан фойдаланган ҳолда босқинчиликни тор-мор қилишдан иборатдир. Ҳарбий қурилиш соҳасидаги мақсад профессионал армияни ўз таркибида эркин тайёрланган ва таълим олган ўз халқига, она заминига садоқатли бўлган ўз ватанининг шаъни ва қадр қимматини охиригача ҳимоя қила оладиган юксак маънавий – маърифий дунёқарашига эга бўлган ҳарбий хизматчилардан таркиб топган армияни босқичма-босқич вужудга келтиришдан иборат. Бугунги кунда ҳарбий соҳада олиб борилган ислоҳотлар туфайли миқдор жиҳатдан унча катта бўлмаган, лекин яхши шайланган замонавий қуроллар ва ҳарбий техника ҳамда моддий техник воситалар билан бекаму - кўст таъминланган, Ўзбекистоннинг хавфсизлигини мустақил равишда ва пухта таъминлашга қодир бўлган Қуролли Кучлар шакллантирилди. Бизнинг Қуролли Кучларимиз хар қандай вазиятда ҳаракат қилишга тайёр туриши, мамлакатнинг жуғрофий – стратегик мавқеини ва ҳудудининг жуғрофий хусусиятларини ҳисобга олган ҳолда эҳтимол тутилган босқинчига қурукликда ва ҳавода муносиб зарба бера олиш учун жанговар салоҳиятга эга бўлмоғи зарур. Қуролли Кучларнинг ҳарбий қудрати жанговар қобилияти кўплаб омиллардан таркиб топади.