Yuqori texnologiyalar jadal rivojlanayotgan, turli axborotlar oqimidagi bugungi kunimiz ta`limda yangi sifatdagi talablarni vujudga keltiradi. Vatan himoyasi va kuchli axborotlashgan jamiyat uchun tashabbuskor, ijodkor, nostandart holatlarda to`g`ri qaror chiqaradigan, turli hayotiy vaziyatlarda o`z egallagan bilimlarini mustaqil ravishda qo`llay oladigan yuqori salohiyatli shaxsni tarbiyalash zarur. O`zbekiston harbiy ta`lim tizimi ham vaziyatni to`g`ri tahlil qila oladigan va oldindan baholay oladigan, faqatgina o`z harakatlarini emas, balki boshqalarning ham fazoviy borliqdagi harakatlarini to`g`ri rejalashtiradigan va korrektirovka qila oladigan, o`zini anglay oladigan va rivojlantira oladigan shaxsni shakllantirishga qaratilgan.