XX asrning birinchi o`n yilligi gematologiyasida, xususan gemorragik sindrom (GS) va xomiladorlik davri ekstragenital patologiyalari ilmiy-amaliy qirralarida, ikkita yo`nalishni inqilobiy jarayon sifatida taraqqiyot topganligi haqiqat deb tan olinadi. Bririnchisini, yuqorianiqli tashxisiy texnologiyalarni paydo bo`lishi bilan bog`liq xolda ro`y bergan deb va ikkinchisini esa, Internet va isbotlangan tibbiyot (evidence based medisine) yakdil ma`lumotlar bo`shlig`ini jo`shqin rivojlanishi bilan bog`lanib e`tirof etiladi. Xar ikki yo`nalish shu yillarda yakuniga yetkazilgan va yetkazilayotgan ishonchli va xalqaro ko`lamli kliniko-epidemiologik xamda randomizasiyalangan tadqiqotlarning natijalarini keng shifokorlik auditoriyasiga «yuz ko`rishtirish» imkoniyatini berdi. Shu bilan bir vaqtda yana bir voqelik oshkora bo`ldi: yuqori tibbiy texnologiyaga potensial yetishish imkoniyati bo`lishiga qaramasdan, dunyoning biron bir davlati amaliy tibbiyotni shunga monand, yuqori sifatli ommaviy tibbiy yordamni ta`minlash, uchun zarur bo`lgan darajada, moliyaviylashga qodir emas ekan.