Терапевтларнинг гломеруляр касалликлар (ГК) билан хомиладорларни кузатувида фаол иштирок этиши хозирги даврда заруриятга айланган ва яна, шу билан бирга, акушер-шифокорларнинг хам ГК га қизиқишлари хар даврдагиларга қиёсан кескин ошади: 86% га етиб хомиладорларда айрим ГК лар келиб чиқадилар. Хусусан, хомиладорлик даври касалликлари қаторида қуйидаги ГК кўпинча қайд этилади: пиелонефрит, цистит, гломерулонефрит, сийдик-тош касаллиги, гидронефроз, буйраклар сили, нефроэктомияни бошидан ўтказган хомиладор аёллар, сийдик йўлларини нуқсонли ривожланиши, ўткир буйрак етишмовчилиги ва бизнинг шароитда хам қайд қилинмаган бўлсада, дунё кўламида эътиборга туша бошлаган-кўчириб ўтказилган буйраклар билан хомиладор аёллар. Бунинг асосий сабаби шундан иборатки, гестация даврида аёлнинг сийдик ажратиш тизими анча шиддатланиш билан фаолият кўрсата бошлайди. Буйраклар организмдан на фақат онанинг метаболизми махсулотларини, балки ва яна, хомиланикини хам қўшиб чиқарадилар: бу жараён буйракларнинг фильтрацион хусусиятини кучайиши билан давом этади, шунга қарамасдан каналчалар реабсорбцияси деярли ўзгармасдан асли даражасида қолади.