Хирургия, қачонлардир оддий бир ҳунар бўлган бўлса, ҳозирги кунда уни фундаментал илмлар ютуқлари ва илмий-техника ютуқларисиз фараз қилиб бўлмайди. Ҳозирда хирургия юқори моҳирлик, маданият ва шу билан бирга илм, у орқали охирги ўн йилликларда табиатни бир неча сирларини очишга эришилди. Ҳозирги кунда хирургия - бу жарроҳ-операторнинг маҳорат қодирлиги бўлиб ҳар хил бошқа илмлар маълумоти билан бойитилган. Жарроҳлик тиббиёт илмининг энг кучли соҳаси ҳисобланади. Жарроҳликни бир бўлаги бу болалар жарроҳлигидир.
Болалар жарроҳлиги - алоҳида соҳа, уни ўзига хослиги диспропорционал ривожланувчи ва ўсувчи бола организмини морфофункционал хусусияти билан аниқланади.
Болалар жарроҳлиги ҳам илм, ҳунар ва маҳорат мажмуаси бўлиб унда мутахассис жарроҳ сифатида иш юритиб, педиатр сифатида фикрлайди, бунда уга ҳар хил анализ қилишдек масъулиятлар юкланади.
Болалар жарроҳлигининг ривожланишидаги асосий йўналишларида, болалардаги туғма нуқсонлар ва жарроҳлик касалликларнинг диагностикасини мукаммаллаштиришга, илмий-техника ютуқларини клиник тажрибага киритиш, антенатал диагностикани йўлга қўйиш ва ривожлантириш, туғма нуқсонларни профилактикасини белгилаш мумкин.
Ҳозирги вақтда болалар жарроҳлиги тажрибасига анъанавий текшириш усуллари билан бирга, замонавий юқори маълумот берувчи диагностика усуллари киритилмоқда. Уларни клиник тажрибага киритилиши, диагностика самарасини юқорилиги ва даволашни адекват усулларини танлашга олиб келди. Булар қаторига ультратовуш ва радиоизотоп диагностика усулларини, компьютер томография, болалардаги йирингли яллиғланиш касалликлари ва паразитар касалликларда иммунодиагностикасини киритиш мумкин. Ультратовуш диагностикасидан самарали усул сифатида турли жарроҳлик касалликларида (сийдик тош касаллиги, ўт тош касаллиги, паренхиматоз аъзоларнинг кистоз ҳосилалари буйракларнинг туғма нуқсонлари) 70-98% гача диагностик аниқлик билан кўплаб скрининг текширувлар олиб бориш мумкинлиги туфайли кенг кўламда фойдаланилмоқда.