Тубулопатиялар – буйрак найчаларида турли моддаларнинг мембранали транспорти бузилиши касалликлар гурухидир. Одатда бирламчи тубулопатиялар (бунда асосан буйрак найчалари мембраналарида у ёки бу моддалар транспорти бузилган) ва иккиламчи тубулопатиялар (бунда найчалар зарарланиши – организмда моддалар алмашинуви умумий бузилишининг ёки буйракнинг коптокчалари ва бошка кисмлари зарарланишининг таркибий кисмидир) тафовут килинади. Бирламчи тубулопатиялар одатда – асосий ташхис, иккиламчи тубулопатиялар эса асосий касалликнинг асорати хисобланади. Тубулопатияларнинг асосий куринишлари – бу сув-электролит алмашинуви (сувсизланиш, организмда электролитларни танкислиги) ва кислота-ишкорий мувозанатининг (КИХ) бузилиши, буйраклар интерстициал тукимасинг зарарланиши (интерстициал нефрит), келгусида эса коптокча аппарати бузилиши ривожланиб, буларни барчаси сурункали буйрак етишмовчилиги, уролитиазга олиб келади. Бирламчи тубулопатиялардаги бузилишиларнинг патогенетик звенолари:
1. Мембранали ташувчи – оксиллар структурасининг узгариши.
2. Энзимопатиялар – актив мембранали транспортини таъминловчи ферментларнинг ирсий асосланган етишмовчилиги.
3. Найчалар эпителийси хужайраларининг гормонлар таъсирига сезувчанлиги узгариши.
4. Хужайралар цитомембранасининг умумий структурасини узгариши.