O`zbekiston Respublikasi Prezidenti I.A.Karimov 2015 yilda mamlakatimizni ijtimoiy-iqtisodiy rivojlantirish yakunlari va 2016 yilga mo`ljallangan eng muhim ustuvor yo`nalishlariga bag`ishlangan O`zbekiston Respublikasi Vazirlar Mahkamasining majlisidagi ma’ruzasida amalga oshirilgan eng ustuvor yo`nalishlar haqida to`xtalib o`tar ekanlar, “Jahon bozorlarida raqobat tobora kuchayib borayotgan bugungi sharoitda iqtisodiyotimizning raqobatdoshligini tubdan oshirish, eksportga mahsulot chiqaradigan korxonalarni qo`llab-quvvatlashni kuchaytirish, fermer xo`jaliklari, kichik biznes va xususiy tadbirkorlik subektlarining eksport faoliyatidagi ishtirokini har tomonlama rag`batlantirish ustuvor ahamiyat kasb etadi” degan edilar. Yurtboshimizning yuqoridagi fikrlarini amaliyotga tadbiq etish borasida korxonalarda sifat boshqaruvi tizimini tadbiq etish Respublikada xalqaro standartlarga mos bo`lgan menejment tizimini tadbiq etish va rivojlantirish ishlab chiqarilayotgan mahsulotlarning raqobatbardoshligini oshirish iqtisodiyotni rivojlantirishning strategik vazifalaridan biridir.