Юқори жағ суяги, maxilla жуфт суякдир. Юзнинг катта қисмини ташкил қилишда, кўз косаси, бурун бўшлиғи, оғиз бўшлиғи, чакка ости ва қанот танглай чуқурчаларини тузилишида иштирок этади. Бу суяк юз қисми суяклари - пешона, ғалвирсимон, понасимон суяклар билан чоклар ҳосил қилиб, танаси ва 4 та: пешона, яноқ, алвеоляр ва танглай ўсимталардан тузилган.
Юқори жағ суяги танасининг шакли 4 қиррали призмага қиёсланади. Унинг олдинги юзаси, facies anterior, кўз косаси юзаси facies orbitalis, бурун бўшлиғининг ён деворини тузишда иштирок этувчи юзаси facies nasalis, чакка ости чуқурчага қараган юзаси facies infratemporalis дейилади.