Tuproq unumdorligini belgilovchi asosiy omil bo`lib gumus va chirindi miqdori hisoblanadi. Chunki gumus tuproqning barcha xossa-xususiyatlariga ta`sir qiladi. Gumus va chirindi miqdori va sifatiga qarab tuproqning issiqlik, suv, umumfizik, oziq va mikrobiologik xossalari shakllanadi. Shuning uchun tuproq gumusi va oziqa elementlar miqdorini oshirish uchun bioorganik maxsulotlardan foydalanish eng dolzarb vazifalardan biri xisoblanadi. Biogumus mineral o`g`itlarsiz hosil bermaydigan, «kashanda»ga aylangan tuproqqa “malxam” bo`ladi va uni “davolab” hosildorligini oshiradi. Eng muximi, bunday maydonlarda yetishtirilgan maxsulotlar inson organizmi uchun foydali bo`lib, turli ichki kasalliklarning oldini olishga yordam beradi.