Ma’lumki, tuproq degradatsiyaga sabab bo’luvchi eng katta omil tuproq sho’rlanishi hisoblanadi. Tuproqda ortiqcha tuzlarning to’planishiga tuproq sho’rlanishi deyiladi. Butun dunyo bo’yicha 77 mln ga ekin yeri sho’rlangan bo’lsa, O’rta Osiyoda ekiladigan 14 mln ga ekin yerining 50 % i, O’zbekistonda 3708.4 ming ga ekin yerlarining 50 % i, Quyi Amudaryoda esa ekin ekiladigan yerlar 100 % turli darajada sho’rlangan.