Битирув малакавий ишининг мақсад ва вазифалари. Бакалаврлик даражасини олиш учун асос қилиб олинган мазкур тадқиқотдан кўзланган мақсад Ғарбий Европа мамлакатларида, хусусан, Гемания, Буюк Британия ва Францияда дастлаб исломшуносликнинг тарихи билан танишиш, шунингдек, ҳозирги кунда ушбу давлатларда мавжуд бўлган исломшунослик институтлари ва марказларининг дастурлари, улар таълим давомида қўллаётган усул ва воситалар, исломшуносликни ўқитишда фойдаланилаётган ёндашувлар, талабаларга тавсия этилаётган адабиётлар ва уларнинг мавзулари билан танишиш ва уларни ўз олий ўқув юртларимиздаги исломшунослик кафедраларига тадбиқ қилишдир.