"Kuchli davlatdan - kuchli jamiyat sari" tamoyilining mohiyati davlat o’zining bir qator vakolatlarini bosqichma-bosqich mahalliy hokimiyat organlariga, jamoat tuzilmalariga va fuqarolarning o’zini-o’zi boshqarish idoralariga topshirishni anglatadi. Ya’ni, kuchli fuqarolik jamiyatini barpo etish nazarda tutiladi. Bu tamoyil asosida yashash, birinchidan, fuqarolardagi loqaydlik, beparvolik kabi illatlardan xalos bo’lib borishiga yordam beradi.