Мавзунинг долзарблиги. Президентимиз И.А.Каримов таъбири билан айтганда, “Банк тизимини қўллаб-қувватлаш, ишлаб чиқаришни модернизация қилиш, техник янгилаш ва диверсификация қилиш, инновацион технологияларни кенг жорий этиш – Ўзбекистон учун инқирозни бартараф этиш ва жаҳон бозорида янги марраларга чиқишнинг ишончли йўлидир”. Бозор муносабатлари шароитида тижорат банкларининг асосий вазифаларидан бири корхоналар, ташкилотлар, муассасалар ва аҳоли ихтиёридаги бўш турган пул маблағларини имкон қадар кўпроқ жалб қилиш ва уларни бошқа фойда келтирувчи оптимал активларга жойлаштиришдаи иборат. Бу жараёнда тижорат банкларнинг капитали банклар томонидан амалга ошириладиган пассив операциялари орқали ташкил топади ва банк балансининг пассив қисмида юритилади.