Tasodifiy jarayonlar, xususan, tasodifiy daydishlar uchun chegaraviy masalalar ehtimollar nazariyasida juda muhim o’rin tutadi. Buning sabablaridan biri ularning matematik tomondan ma’nodorligi bo’lsa, keyingisi ular ehtimollar nazariyasining amaliy sohalarida juda ko’p tadbiqlariga ega. Tarixan ko’p chegaraviy masalalar amaliyotdan kelib chiqqan. Biz bu yerda juda ko’p chegaraviy masalalar ichidan tasodifiy daydish uchun ikki chegara bilan bog’liq bo’lgan ba’zi masalalarni qaraymiz. Bular tasodifiy daydishning yo’lakdan (полоса) birinchi bora chiqish vaqti, yo’lakdan chiqishdagi holati kabi tasodifiy miqdorlarning taqsimot qonunlari va ularning sonli harakteristikalarini o’rganish masalasidir.