Мазкур мавзу юзасидан олиб бориладиган илмий тадқиқот ишининг асосий мақсади бўлиб, акциядорлик жамиятларида меҳнатни ҳуқуқий тартибга солишнинг ўзига хос хусусиятларини аниқлаш, уларни илмий жиҳатдан ўрганиш, Меҳнат кодекси ва “Акциядорлик жамиятлари ва акциядорларнинг ҳуқуқларини ҳимоя қилиш тўғрисида”ги қонуннинг уйғунлашуви ҳамда акциядорлик жамиятининг корпоратив бошқарув органлари бўлган Кузатув кенгаши, Корпоратив бошқарувчи ва ижро этувчи орган раҳбари меҳнатини меҳнат ҳуқуқий нормалар орқали тартибга солиш юзасидан таклиф ва тавсиялар ишлаб чиқиш, хулосалар тайёрлаш орқали ушбу соҳа илмий назарий асосларини мустаҳкамлашдан иборат.