Himoyalangan sharoitda yetishtirilgan pomidor hosilini saqlash texnologiyasi

Qishloq xo’jaligi sohasida ishlab chiqarish samaradorligini yanada oshirish, aholini ish bilan ta`minlashda yurtboshimiz tomonidan chiqarilayotgan qonun va farmonlar muhim ahamiyatga ega. Keyingi yillarda faqat paxta yoki g`alla etishtirishga ixtisoslashgan fermer xo’jaliklarini ko’p tarmoqli fermer bo’lishiga yo’naltirish, etishtirilgan mahsulotlarini nafaqat yurtimiz aholisi uchun tayyorlash, balki eksportbop mahsulot olish kreditlar berish ishlari amalga oshirilmoqda. Asosiy qishloq xo’jalik ekinlari bilan birga aholini vitaminlarga boy sabzavot va poliz mahsulotlarini etishtirish ham ko’zda tutilgan. Mavzuning dolzarbligi. Prezidentimizning 2011 yil 24 noyabrda qabul qilingan «Koreya Respublikasi Hukumatining grant mablag`larini jalb etgan holda «O’zbekistonda namunaviy issiqxonalarni barpo etish» loyihasini amalga oshirish chora-tadbirlari to’g`risida»gi qaroriga muvofiq barpo etilayotgan issiqxonalar zamonaviy texnologiyalar asosida sabzavot mahsulotlari etishtirishni ko’paytirish hamda koreys va o’zbek xalqlari o’rtasida qishloq xo’jaligi sohasidagi hamkorlikni yanada rivojlantirishga xizmat qilmoqda.