So’nggi yillarda ekologik ta’lim va tarbiya muammolarini tadqiq etishga qaratilgan ko’plab ilmiy-tadqiqot ishlari amalga oshirildi. Xususan, ekologik ta’limning nazariy asoslari, tamoyillari, shakllari, metodlari va vositalari birmuncha chuqur o’rganilgan. Ammo, kasb-hunar kollejlarining o’ziga xos jihatlari, shuningdek amaliy geografiya ta’limi imkoniyatlarini inobatga olgan holda o’quvchilarda ekologik madaniyatni shakllantirish muammosi ilmiy-pedagogik jihatdan to’liq o’rganilmagan.