Asosiy struktura doirasidagi nutqiy paradigmatik shakl o`zgarishlarning obyektiv modallikni ko`rsatuvchi shakl o`zgarishlar, shaxs-sonni ko`rsatuvchi shakl o`zgarishlar, ifoda maqsadni ko`rsatuvchi shakl o`zgarishlar, to`liq-to`liqsizlikni ko`rsatuvchi shakl o`zgarishlar, his-hayajonga munosabatni (emotsionallikni) ko`rsatuvchi shakl o`zgarishlar kabi ko`rinishlari farqlanadi. Mazkur shakl o`zgarishlar, mohiyatan, struktural maydon maqomida bo`ladi. Aslida, ularni ikki turga ajratib o`rganish maqsadga muvofiq. Zero, ularning ayrimlari monopredikasiyani (monopredikativ gaplarni) nutqiy shakllantiruvchi tayanch mexanizmlar sifatida voqe bo`ladi, ayrimlari esa monopredikasiyani nutqiy shakllantirishda bevosita ishtirok etmaydi. Yuqorida keltirilgan paradigmatik shakl o`zgarishlar maydonlaridan, xususan, obyektiv modallik shaxs-son, tasdiq-inkor maydonlari monopredikasiyani nutqiy shakllantiruvchi tayanch mexanizmlar sifatida yuzaga chiqadi.